Katika tuzo ambazo TFF watatoa Oktoba 21, ipo tuzo ya Mhamasishaji bora ambayo itatolewa kwa mara ya kwanza msimu huu
Waliotajwa kuwania tuzo hiyo Haji Manara, Massau Bwire na Bongo Zozo huku jina la aliyekuwa Afisa Mhamasishaji wa Yanga Antonio Nugaz likikosekana
Maswali yamekuwa mengi, kwa TFF, ni vigezo gani wametumia kutomjumuisha Nugaz na kumuweka Bongozozo?
Bongozozo anafahamika kazi yake kubwa ya uhamasishaji anaifanya katika timu ya Taifa lakini tuzo zinazotolewa ni kwa ajili ya ligi kuu msimu wa 2020/21
Labda kama TFF wanaweza kutoa ufafanuzi tofauti lakini ni wazi Nugaz alipaswa kuwa katika orodha ya wahamasishaji wanaowania tuzo
Msimu uliopita Yanga iliongoza kwa kuingiza mashabiki viwanjani pamoja na mapato yatokanayo na mashabiki hao
Lakini la kushangaza Nugaz ambaye alikuwa Afisa Mhamasishaji wakati ule hajaingia katika miongoni mwa wanaowania tuzo ya Uhamasishaji...!
