Msemaji wa klabu ya Yanga Haji Manara amesema kwa uwezo unaoonyeshwa na mlinzi wa kulia Kibwana Shomari, ni suala la muda tu, ataipata heshima yake
Kibwana ameanza msimu wa 2021/22 kama alivyomaliza msimu uliopita. Ameshiriki katika kila mchezo ambao Yanga imecheza, amekuwa bora sana uwanjani
Haikushangaza kocha mkuu wa timu ya Taifa Kim Poulsen kumjumuisha katika kikosi cha timu ya Taifa akipata nafasi ya kucheza mchezo wa kuwania kufuzu kombe la dunia dhidi ya Benin
"Nawaza kwa Sauti na najisemea mwenyewe moyoni mwangu na hakuna asiyejua uelewa wangu katika mpira wa miguu"
"Kibwana karibuni anakwenda kuishika hii nchi, umahiri wake katika kukaba na kukokota mpira unamfanya awe katka soko la walinzi washambuliaji bora wa kisasa. Haihitaji muda tena sasa ni wakati wake kututhibitishia alichonacho," aliandika Manara kwenye ukurasa wake wa mtandao wa kijamii
Baada ya kukamilisha majukumu ya timu ya Taifa Kibwana amerejea kikosini akiungana na wachezaji wenzake kuelekea mchezo wa ligi kuu dhidi ya KMC
Kwa hakika ataendelea kumpa mtihani kocha Nasreddine Nabi kutomuacha katika kikosi chake cha kwanza
