Afisa Mhamasishaji wa Yanga Haji Manara amesema ili kuiongezea timu nguvu kuelekea mchezo dhidi ya Azam Fc, mashabiki wanapaswa kujitokeza kwa wingi uwanja wa Benjamin Mkapa kuishangilia timu yao siku ya Jumamosi
Manara amesema shabiki wa Yanga sio mchezaji wa 12, bali ni mchezaji anayeanza kwenye kikosi cha kwanza akiwa jukwaani, umuhimu wake ni wa kipekee
"Haipo namna yoyote ya kushinda Jumamosi bila nguvu ya Washabiki wetu ,tunawahitaji kwa kila hali"
"Mshabiki wa Young Africans sio mchezaji wa kumi na mbili ni Mchezaji wa kikosi kinachoanza akiwa jukwaani, ana umuhimu mkubwa kwetu"
"Chonde Chonde Mwanayanga mwenzangu nunua sasa ticket yako ili tukazisake Points tatu muhimu kwa Mkapa weekend hii," alisema Manara
Tiketi kuelekea mchezo dhidi ya Azam Fc zilianza kuuzwa jana katika vituo mbalimbali pamoja na mitandao ya simu
Nae Afisa Habari wa Yanga Hassan Bumbuli amesema mashabiki watakuwa na nafasi ya kushuhudia burudani kutoka kwa wasanii mbalimbali kabla ya mchezo
Utaratibu huu watauendeleza kwa mechi zao zote watakazocheza nyumbani
"Mechi zetu zote zitakuwa na wasanii haitaishia hii na Azam Fc kwasababu tuna wasanii wengi sana. Sisi hatutaki shabiki wetu aje uwanjani saa 8:00 mchana achezee simu mpaka iishe chaji badala yake atapata burudani ya wasanii," alisema Bumbuli
