Wananchi wametakata uwanja wa Benjamin Mkapa jioni ya leo wakiitandika Azam Fc mabao 2-0 na kurejea kileleni mwa msimamo wa ligi kibabe
Kwa hakika mashabiki wa soka nchini leo wameshuhudia mchezo bora na aina yake huku Yanga ikiwapa salamu wapinzani wao kuwa hakuna utani, wanautaka ubingwa msimu huu
Fiston Mayele alianza kuifungia Yanga bao la kuongoza kwenye dakika ya 36 akimalizia krosi murua kutoka kwa Kibwana Shomari
Kulikuwa na maneno kuwa Yanga inakata upepo kwenye kipindi cha pili, leo Wananchi wamedhihirisha kuwa hayo ni maneno tu kwani walikuwa bora zaidi kwenye kipindi cha pili
Bao la pili lilifungwa na Jesus Moloko kwenye dakika ya 73 akimalizia pasi murua ya Yacouba Songne
Yanga ililitengeneza bao hilo kuanzia nyuma kwa pasi fupi fupi kabla ya Moloko kuuweka mpira kambani
Zilikuwa dakika tisini bora kutoka kwa vijana wa Yanga, ushindi waliostahili!
