Kocha Msaidizi wa Yanga Cedric Kaze amesema ni faraja kuona kile wanachofundisha katika uwanja wa mazoezi wachezaji wameanza kukionyesha
Wanayanga wanajivunia kiwango bora kinachoonyeshwa na timu yao lakini Kaze amesema bado hawajafika wanapopataka
Benchi la ufundi chini ya Kocha Nasreddine Nabi anayesaidiwa na Kaze na pamoja na wataalamu wengine walio katika benchi hilo, wanafanya kazi kubwa ya kuisuka Yanga. Kwa muda mfupi, ni kama wamefanikiwa kuifanya Yanga kuwa timu tishio.
Kaze amesema wakati wa kusherehekea bado haujafika, wana safari ndefu mpaka msimu kumalizika. Hivyo wanapaswa kuendelea kujiimarisha na kuhakikisha wanashinda kila mchezo unaokuja mbele yao
"Mechi ya nne ya ligi, imetupa ushindi wa nne dhidi ya timu nzuri ya Azam FC. Hakuna sababu ya kusherehekea tunajua kama Ligi ingali mwanzo na tungali na safari ndefu kufika mwisho"
"Tumerudi mazoezini kujiandaa na mchezo wetu inaofuata dhidi ya Ruvu Shooting," alisema Kaze
Jana mkufunzi wa Yanga, profesa Nabi alisema kinachoonyeshwa na wachezaji wake sasa ni asilimia 45% mpaka 50% tu na kuwa baada ya mwezi mmoja timu yake itaonyesha ubora kwa asilimia 100%!
