Kocha Mkuu wa Yanga Nasreddine Nabi amesema matunda ya kazi nzuri inayofanywa na Kocha wa viungo Helmy Gueldish yameanza kuonekana
Gueldish alitua Yanga akitokea klabu ya Etoile Du Sahel ya Tunisia ikiwa ni pendekezo la Nabi mwenyewe
Katika michezo mitatu ya mwanzo wa msimu, kulikuwa na ukosoaji kwa kikosi cha Yanga kuwa 'kinakata upepo' katika kipindi cha pili
Hata hivyo kelele hizo hazisikiki tena baada ya kazi ya Gueldish ambaye amewajenga vyema wachezaji kutokana na mazoezi anayowapatia
Nabi amesema alifahamu ujio wa Gueldish utakuwa na manufaa kwa timu ndio maana alipendekeza kocha huyo apatikane kwa gharama yoyote
"Nilikuwa namwambia kila kitu kwamba mashabiki wanalalamika kwamba eti timu inapungua pumzi akawa anakasirika alijua kwamba muda ambao aliniambia wachezaji watakuwa tayari ulikuwa haujafika na wala Yanga haikuwa inakata pumzi," Nabi alinukuliwa na gazeti la Mwanaspoti
"Huyu ni kocha bora ambaye anajua kutengeneza ufiti wa wachezaji na anaijua kazi yake kuliko watu walivyodhani na sasa kazi yetu kama makocha inakuwa fupi kuingiza mbinu kitu ambacho sasa kinakamilisha kazi yetu hapa"
Mbali na ubora wa Gueldish katika mazoezi ya viungo, pia anajua kuchambua ubora wa wapinzani kazi ambayo anaifanya kuelekea kila mchezo
