Yacouba tayari kuanza matibabu Tunisia

Mshambuliaji wa Yanga Yacouba Songne amewasili Tunisia tayari kuanza matibabu ya goti aliloumia kwenye mchezo wa ligi kuu dhidi ya Ruvu Shooting

Yacouba ameongozana Tunisia na mtaalamu wa viungo Youssef Mohamed ambaye amesema leo wataonana na Profesa ambaye atasimamia matibabu ya Yacouba

Youssef amesema ratiba hiyo itaanzia katika vipimo vingine vitakavyofanywa na daktari Dahmane Jeleleddine ambaye ni daktari maalum kwa matibabu ya magoti pekee

Muda ambao Yacouba atakuwa nje utafahamika baada madaktari hao wanaomtibu kutoa ripoti yao baada ya kumfanyia vipimo