Wachezaji wa Yanga waliokuwa na majukumu ya timu za Taifa, wanatarajiwa kuanza kurejea kikosini leo baada ya kukamilisha majukumu hayo
Timu ya Taifa ya Tanzania 'Taifa Stars' ilikuwa na wachezaji sita wa Yanga ambapo Stars ilirejea nchini jana baada ya mchezo dhidi ya Madagascar uliomalizika kwa sare ya bao 1-1
Feisal Salum, Kibwana Shomari na Dickson Job walikuwa sehemu ya kikosi kilichoanza mchezo dhidi ya Madagascar wakati Bakari Nondo Mwamnyeto alikuwa miongoni mwa wachezaji waliowekewa ngumu na wenyeji kucheza kwa kisingizio cha maambukizi ya covid 19
Pia katika kikosi hicho walikuwemo Ramadhani Kabwili na Zawadi Mauya
Khalid Aucho aliingoza timu ya Taifa ya Uganda kwenye mchezo dhidi ya Mali ambayo yupo mlinda lango Djigui Diarra, mchezo huo ukimalizika kwa Mali kushinda bao 1-0
Shabani Djuma alikuwa sehemu ya kikosi cha DR Congo kilichoichapa Benin mabao 2-0 na hivyo kutinga hatua ya mtoano kusaka tiketi ya fainali za kombe la Dunia
Mkongwe Saido Ntibazonkiza yeye aliitwa timu ya Taifa ya Burundi ambayo ilicheza mechi za kirafiki
Nyote hao wanarejea sasa kuendelea na mikiki mikiki ya ligi kuu ambapo mwishoni mwa wiki hii Yanga itashuka uwanjani kule Ilulu, Lindi kuikabili Namungo Fc
