Kaimu Mtendaji Mkuu wa Yanga Senzo Mazingisa amesema wakimuhitaji kiungo wa RS Berkane Clatous Chama, hawatashindwa kumsajili
Chama alisajiliwa na RS Berkane akitokea klabu ya Simba katika dirisha la usajili lililopita
Senzo amesema kwa sasa hawashindwi kumpata mchezaji wanayemuhitaji, unyonge waliokuwa nao miaka ya nyuma umemalizwa na GSM
"Chama ni mchezaji bora hakuna klabu ambayo itakataa kuwa naye na kwasasa tunaiheshimu Berkane kwa kuwa bado wanamkataba naye lakini nikweli tumeulizia uwezekano wa kumpata na kama kutakuwa na uwezekano wa kumleta hapa tutamleta," Senzo aliliambia gazeti la Mwanaspoti
"Tulikuwa na unyonge huko nyuma lakini Yanga ya sasa sio rahisi ushindane nayo kutaka kumchukua mchezaji kisha ukafanikiwa kuwazidi tuna ushawishi mzuri na nguvu ya fedha"
"Unapokuwa na uongozi unaosimamia misingi mizuri ya soka na malengo kisha kubwa zaidi ukawa na watu kama GSM unakuwa na nguvu ya kutosha kumchukua mchezaji yoyote ambaye unamtaka hapa ndani na hata nje"
"Ukifuatilia wako wachezaji wengi ambao walitakiwa na klabu zingine lakini baadae wakawakosa wakizidiwa na Yanga,hii ina maana kwamba GSM ambao ni wananchi sio rahisi kuwashinda linapokuja suala la Yanga inahitaji kitu"
"Tuna benchi la ufundi lakini pia tuna kamati ya ufundi hizi idara mbili zinazoshirikiana kwa karibu kufanya kazi hii ya kutengeneza timu na utakumbuka walitulia msimu huu na sasa tunafanikiwa wachezaji tuliowasajili walitokana na mapendekezo ya makocha na watu wa ufundi," alitamba Senzo
Mjadala wa Chama kurejea Tanzania dirisha dogo uliibuliwa hivi karibuni baada ya kauli ya Mkurugenzi wa Uwekezaji GSM Injinia Hersi Said kudokeza kuwa wakipata nafasi ya kumsajili mchezaji huyo hawatafanya makosa
Kumekuwa na taarifa kuwa RS Berkane wanamtaka kiungo Mukoko Tonombe hivyo Yanga wanaweza kumtumia kumnasa Chama
