Mwanzoni mwa msimu wapo walioamini kuwa usajili wa Yannick Bangala ungemuondoka nahodha Bakari Nondo Mwamnyeto katika kikosi cha kwanza
Pamoja na ubora wake katika ulinzi, wengi hawakuwa na imani na uwezo wake katika kuanzisha mashambulizi kutokea nyuma
Lakini kwa hakika Mwamnyeto amewanyamazisha wote waliokuwa na mashaka nae
Ukizungumzia wachezaji vinara wa kupiga pasi kwenye kikosi cha Yanga, Mwamnyeto ni miongoni mwao
Na ukizungumzia wachezaji wanaopiga pasi zinazofika kwa usahihi zaidi, Mwamnyeto anaweza kuwa namba moja
Ndio! kuna mechi za ligi kuu dhidi ya Azam Fc na Ruvu Shooting, zote Mwamnyeto alikuwa na usahihi wa kupiga pasi kwa asilimia 100%
Katika michezo hiyo pia alihusika katika mabao mawili ambayo mipira ilianzia mguuni kwake
Mwamnyeto aliendeleza ubora wake hata kwenye timu ya Taifa na haikushangaza Madagascar kumfanyia 'figisu' na akakosekana kwenye mchezo waliocheza dhidi ya Tanzania kwao
Huyu ndiye mlinzi ghali zaidi mzawa, thamani yake anaionyesha uwanjani
