Imeelezwa Kocha Mkuu wa Yanga Nasreddine Nabi amehitaji kuongezewa wachezaji wawili tu katika kikosi chake kwenye usajili wa dirisha dogo
Dirisha dogo la usajili litafunguliwa Disemba 15 2021 na kufungwa January 16 2022
Yanga ina nafasi mbili kwa ajili ya nyota wa kigeni ambapo usajili unaweza kuwa wa kujaza nafasi hizo
Taarifa kutoka ndani ya uongozi wa Yanga, imebainisha kuwa Nabi amehitaji kuimarisha safu ya kiungo akihitaji kuletewa kiungo mchezeshaji na mshambuliaji ambaye pia anaweza kutokea pembeni
Baada ya Yacouba Songne kupata majeraha, anatarajiwa kuwa nje kwa angalau miezi mitano
Ifikapo mwezi Disemba, itabaki takribani miezi sita msimu huu kumalizika, upo uwezekano mkubwa Yacouba asitumike tena katika kipindi kilichobaki
Nafasi ya Yacouba inaelezwa kumtesa zaidi Nabi kwani ni mchezaji aliyekuwa ameingia kwenye mfumo wake na alitekeleza majukumu yake kwa ufasaha
Nabi anahitaji kupata mshambuliaji ambaye atakuwa na ubora kama aliokuwa nao Yacouba au zaidi
