Winga wa timu ya Taifa ya Tanzania Saimon Msuva jana alipata nafasi ya kutembelea kambi ya Yanga Avic Town, Kigamboni ambapo pia alipata wasaa wa kuzungumza na wachezaji wenzake
Msuva aliyeitumikia Yanga kwa mafanikio kabla ya kusajiliwa na Difaa El Jadida ya Morocco na kisha msimu uliopita kusajiliwa na Wydad Athletic, mabingwa wa ligi kuu ya Morocco, amesema huwa hakosi mechi za Yanga na anawaombea washinde ubingwa wa ligi kuu msimu huu
"Nashukuru kupata nafasi ya kuja kuonana nanyi wachezaji wenzangu, nimekuja kuwatia moyo na kuwatakia kila la kheri"
"Siwezi kusema mengi lakini Yanga ndio timu iliyonifanya niweze kuonekana. Nimekuwa nikiifuatilia Yanga kupitia Azam TV, nawatakia kila la kheri muweze kufanya vizuri kwenye michuano mnayoshiriki hasa kushinda ubingwa wa ligi kuu," alisema Msuva
