Mkurugenzi wa Uwekezaji GSM Injinia Hersi Said ambaye ni Mjumbe wa Kamati ya Mashindano ya Yanga, amesema wameanza mchakato wa kusaka mshambuliaji ambaye ataziba nafasi ya Yacouba Songne aliyepata majeraha ambayo yatamuweka nje kwa muda mrefu
Hersi amesema tayari wana mapendekezo ya wachezaji akiamini hadi kufikia dirisha dogo mshambuliaji huyo atakuwa amepatikana
"Tayari tumeshaingia kazini kutafuta mchezaji wa kuziba pengo la Yacouba Songne aliyepata majeraha ambayo yanaweza muweka nje hadi mwisho wa msimu. Tayari tuna mapendekezo nafikiri wakati mwafaka utakapofika kila kitu kitafahamika," alisema Hersi
Aidha kumekuwa na tetesi nyingi kumuhusu kiungo wa zamani wa Simba Clatous Chama ambaye inaelezwa kuwa ameomba kuvunja mkataba wake ya RS Berkane anayoitumikia sasa huku kukiwa na taarifa Wakala wake alikuwa nchini hivi karibuni ambapo alipata nafasi ya kuonana na 'Bosi wenyewe' GSM
Hersi amesema suala la mchezaji huyo linazungumzwa zaidi kama tetesi hivyo ni vyema likaendelea kubaki hivyo hivyo kama kutakuwa na jambo lolote litafahamika huko mbeleni
