Usafiri wamkwamisha Tshishimbi kufika mazoezini

Kiungo Papi Tshishimbi hakuonekana kwenye mazoezi ya jana yaliyofanyika kwenye dimba la Uhuru jijini Dar es salaam.

Meneja wa Yanga Hafidh Saleh amefafanua kuwa kukosekana kwa mchezaji huyo kulisababishwa na tatizo la usafiri.

Hafidh ameeleza kuwa Tshishimbi alikosa usafiri wa kumuwahisha mazoezini kutokea Tegeta anakoishi.

Mbali na Tshishimbi, Geofrey Mwashiuya naye alikosa mazoezi hayo kutokana na ugonjwa.

Benno Kakolanya bado hajaanza mazoezi na kikosi cha Yanga licha ya kuelezwa kuwa madai yake yameshapatiwa ufumbuzi.