Ilikuwa Septemba 25 pale uwanja wa Benjamin Mkapa Fiston Mayele alipoweka kambani bao pekee lililoihakikishia Yanga ushindi dhidi ya Simba katika mchezo wa Ngao ya Jamii
Mpira ulianzia nyuma kwa mlinda lango Djigui Diarra aliyepiga mpira mrefu uliotua kichwani kwa Farid Mussa ambaye aliwatoka walinzi wa Simba kabla ya kumtengea Mayele kufunga bao hilo lililoihakikishia Yanga Ngao ya Jamii
Disemba 11 watani hao wa jadi wanakutana tena kwenye mchezo wa kwanza wa ligi kuu msimu huu
Yanga itaingia kwenye mchezo huo ikijivunia ubora wa kikosi chake, Mayele akiwa miongoni mwa wachezaji hao
Disemba 11 Simba wanakwenda kukutana na Yanga tofauti kabisa na ile waliyocheza nayo Septemba 25
Ni timu iliyoimarika zaidi ikiwa imefunga angalau bao moja katika kila mchezo waliocheza tangu Septemba 25
Yanga wanayokwenda kukutana nayo Septemba 25 haijapoteza mchezo wowote tangu iliposhinda mchezo huo wa Ngao ya Jamii
Ni Yanga yenye kiu ya mataji hasa ligi kuu baada ya kukosa ubingwa kwa misimu minne mfululizo
Wananchi wenyewe wanasema hiki ndio kipindi chao cha kulipa kisasi na kumaliza machungu yote waliyopitia katika misimu minne iliyopita
