Usiku wa kuamkia Jumatano, Disemba 15 dirisha dogo la usajili litafunguliwa, ikiwa ni nafasi kwa klabu za ligi kuu, Championship kuboresha vikosi vyao
Wananchi wanasubiri kuona ni wachezaji gani watakongezwa katika dirisha hili
Zipo nafasi ambazo zitajazwa kulingana na Mkurugenzi wa uwekezaji GSM, Injinia Hersi Said
Kwanza ni zile nafasi mbili za nyota wa kigeni kukamilsha idadi ya wachezaji 12 walioruhusiwa na TFF
Katika nafasi hizo, nafasi moja atasajiliwa mshambuliaji ambaye atakuwa mbadala wa Yacouba Songne aliye majeruhi
Yacouba atakuwa nje kwa takribani miezi mitano, ni wazi msimu wake utakuwa umefika mwisho, Wananchi watarajie kumuona dimbani msimu ujao
Imeelezwa mbadala wake tayari yuko nchini kukamilisha usajili wake, Mcongomani Jean-Marc Mundele Makusu akitajwa kuwa chaguo la kwanza la kocha Nasreddine Nabi
Makusu kwa sasa anaitumikia DC Motema Pembe kwa mkopo akitokea klabu ya AS Vita
Msimu uliopita aliitumikia Orlando Pirates pia kwa mkopo, lakini hakuwa na nafasi ya kutosha ya kucheza baada kuwa majeruhi kwa muda mrefu
Nabi alimuhitaji Makusu kabla ya uamuzi wa kumrejesha Makambo, ilikuwa ushauri wa uongozi wa Yanga kumfuatilia nyota huyo ili kujiridhisha na uwezo wake baada ya kuwa amekaa nje kwa muda mrefu akiwa majeruhi
Yanga pia inahusishwa kumuwania kiungo wa Kimataifa wa DR Congo Fabrice Ngoma anayeitumikia klabu ya Raja Casablanca ya Morocco
Injinia Hersi ameahidi kuwa wachezaji watakaowasajili watakuwa na sifa ya kuingia katika kikosi cha kwanza moja kwa moja kama walivyofanya katika usajili uliopita
