Yanga Princess yaanza kwa ushindi Dodoma

Mabao mawili yaliyowekwa kambani na Aisha Masaka, yameisaidia Yanga Princess kuondoka na ushindi wa mabao 2-0 dhidi ya Baobab Queens katika mchezo wa kwanza msimu huu ligi kuu ya Wanawake, Serengeti Lite

Yanga Princess walilazimika kusubiri hadi kipindi cha pili, Masaka akiendeleza kasi yake ya kutupia mabao aliyomaliza nayo msimu uliopita

Alifunga bao la kwanza kwenye dakika ya 49 na kuongeza la pili kupitia mkwaju wa penati kwenye dakika za majeruhi

Yanga Princess itaendelea kubaki mkoani Dodoma ambapo Disemba 28 watashuka tena uwanja wa Jamhuri kuikabili Fountain Gate