Hutaweza kusikia akizungumzwa sana, lakini huwezi amini Zawadi Mauya kwa sasa anaweza kuwa mchezaji bora wa Yanga katika eneo la kiungo
Katika mechi tatu zilizopita, Mauya ameonyesha ubora wa hali ya juu! Huyu ndiye Zawadi Mauya ambaye msimu wa 2019/20, alichaguliwa kuwa kiungo bora wa ligi kuu
Uwepo wake pale kati unawarahisishia kazi akina Aucho kuweza kusogea mbele zaidi
Ndio maana Aucho amekuwa akifunga mabao katika mechi za hivi karibuni, ni kwa sababu pale nyuma, baada ya Bangala kurudishwa safu ya ulinzi, kazi zote safi na chafu zinafanywa na Mauya
Kocha Nasreddine Nabi na benchi lake la ufundi wanastahili pongezi kwa kazi nzuri waliyofanya kumuimarisha Mauya
Kuna wakati hakuwa akiaminiwa kutokana na kiwango chake kutotabirika
Lakini sasa amecheza mechi nne na zote amekuwa katika kiwango bora sana
