Wakati dirisha dogo la usajili likitarajiwa kufungwa leo, jana uongozi wa Yanga kupitia Afisa Mhamasishaji Haji Manara uliweka bayana kuwa leo watamtangaza nyota wa kigeni ambaye amesajiliwa katika kipindi hiki cha usajili wa dirisha dogo
Wengi wana shauku ya kumfahamu nyota huyo lakini viongozi wamesisitiza ni vyema kusubiri taarifa rasmi
Nyota wawili wanaotajwa zaidi ni winga wa TP Mazembe na timu ya Taifa ya DR Congo Chico Ushindi na mshambuliaji wa Zanaco Moses Phiri
Aidha hata tetesi zinazomuhusu kiungo Mukoko Tonombe kuhusishwa katika usajili wa Ushindi hazina uthibitisho kwani hakuna kiongozi wa Yanga aliyekuwa tayari kuzungumza wakisisitiza ni vyema kusubiri taarifa rasmi
Manara amesisitiza ni usajili mkubwa, kwa mara nyingine GSM wakifanikisha ujio wa mchezaji huyo
