Meneja wa Yanga Hafidh Saleh amesema timu inaendelea vyema na mazoezi mkoani Arusha kujiandaa na mchezo wa ligi kuu dhidi ya Polisi Tanzania ambao utapigwa katika uwanja wa Sheikh Amri Abeid Jumapili
Hafidh amesema wameweka malengo ya kuhakikisha wanashinda mchezo huo ili kuendelea kujiimarisha kileleni mwa msimamo wa ligi
Akizungumza baada ya mazoezi ya jioni ya leo yaliyofanyika uwanja wa Sheikh Amri Abeid, Hafidh alisema wachezaji wote wako katika afya timamu kukiwa hakuna mchezaji majeruhi
"Tunashukuru tunaendelea vizuri na mazoezi, wachezaji wote wako sawa, wote wameshiriki mazoezi ya leo, naweza kusema hatuna mchezaji majeruhi"
"Tumekuja hapa Arusha tukiwa na lengo moja, kuhakikisha tunashinda mchezo huo. Hatujali takwimu za michezo iliyopita, muhimu ni kuwa Jumapili Januari 23, utakuwa mchezo mpya ambao sisi tunatizama kushinda zaidi," alisema Hafidh
Polisi Tanzania tayari wametangaza viingilio vya mchezo huo ambapo VVIP -20,000/=, VIP A&B - 10,000/= na MZUNGUKO- 5,000/=
Tiketi zinapatikana kupitia N- CARD katika Vituo Vifuatavyo; Sheikh Amri Abeid Stadium, Ofisi za TTCL Arusha na MOSHI- Ofisi za TTCL
