Jana kabla ya mchezo dhidi ya Mbao Fc ambao uliwashuhudia Wananchi wakitinga hatua ya 16 bora michuano ya kombe la Shirikisho kwa ushindi wa bao 1-0, wachezaji wa Yanga walifanya tukio la aina yake kuwazawadia jezi mshambuliaji wa zamani wa Yanga Fumo Felician na Mkurugenzi wa uwekezaji GSM na Mjumbe wa Kamati ya Mashindano Yanga, Injinia Hersi Said ambaye hivi karibuni alipata mtoto wa kiume
Kabla ya mchezo nahodha Bakari Nondo Mwamnyeto alimkabidhi Hersi jezi iliyosainiwa na wachezaji wote ikiwa na jina la mtoto wake, Aarman
Pia Mwamnyeto akamkabidhi jezi mshambuliaji wa zamani wa timu hiyo, Fumo Felician ambaye makazi yake ni jijini Mwanza
Fumo aliitumikia Yanga kati ya mwaka 1993-95 akitokea klabu ya Pamba Fc ya Mwanza
Enzi zake alikuwa akisifika kwa kupiga mashutu makali
