Shirikisho la Mpira wa Miguu Tanzania (TFF) linafanya mazungumzo na kampuni ya GSM ili warejeshe udhamini wao kwenye ligi kuu ya NBC, imefahamika
Februari 07, GSM ilitangaza kujiondoa rasmi kuwa mdhamini mwenza wa Ligi Kuu Tanzania bara kutokana na kutotimizwa kwa makubaliano ya Mkataba baina yao na Shirikisho la soka nchini (TFF)
Mmoja wa viongozi wa TFF amenukuliwa na gazeti la Mwanaspoti, ambapo amesema kuwa tayari wameanza mazungumzo ya kuona ni namna gani GSM atarejea kuendelea kuwa mdhamini mwenza wa Ligi Kuu
"Kinachofanyika sasa ni kuona ni namna gani changamoto zilizojitokeza zinawekwa sawa na mazungumzo yanakwenda vizuri na kuna matumaini kwa kiasi fulani wa kupata muafaka wa jambo hili ili GSM arudi Ligi Kuu," alisema
Katika taarifa iliyotolewa na GSM wakati wakitangaza kujitoa, ilionyesha klabu ya Simba ndio iliyokiuka makubaliano hayo ya mkataba kama kutoweka mabango na kuvaa nembo ya GSM
Pia katika mikutano yao na wanahabari Simba walikuwa hawaweki nembo ya GSM kama sehemu ya wadhamini wa ligi
Mkataba wa udhamini wa GSM na TFF ulikuwa na thamani ya Tsh Bili 2.1
Licha ya GSM kujitoa bado klabu zimeendelea kuvaa nembo ya GSM pamoja na kuweka mabango jambo linaloashiria kuwa mgogoro huo huenda utamalizwa na GSM kuendelea kuwa mdhamini mwenza wa ligi
