Winga wa RS Berkane Tuisila Kisinda amefichua kuwa licha ya kuwatumikia matajiri hao kutoka Morocco, bado ana mapenzi na klabu ya Yanga
Kisinda aliitumikia Yanga kwa msimu mmoja kabla ya kusajiliwa na Berkane ambao waliweka dau nono mezani na wakafanikiwa kumn'goa
Juzi alikuwa sehemu ya kikosi cha Berkane kilichopata ushindi wa mabao 2-0 dhidi ya Simba katika mchezo wa kombe la Shirikisho barani Afrika
Akizungumza baada ya mchezo huo, Kisinda alisema amekumbuka maisha yake jijini Dar es salaam na zaidi ameikumbuka sana Yanga
"Ninakumbuka Dar es salaam, nimewakumbuka marafiki zangu, mimi ni Yanga damu.! "
"Naongea tu Yanga ni nyumbani kama bosi ananitaka ninarudi kucheza fresh, tutaongea tu fresh. Kwenye mpira hapa tunacheza na Tanzania tunaweza kucheza fresh tu kila kitu kinawezekana," alisema Kisinda
Kisinda winga mwenye kasi ya kimbunga, alikuwa kipenzi cha mashabiki wa Yanga na kama ikitokea GSM wakamrudisha, litakuwa jambo kubwa sana
