Yanga kuanza mawindo ya Geita Gold leo

Baada ya mapumziko ya siku moja, kikosi cha Yanga leo kinarejea mazoezini kuanza maandalizi ya mchezo wa ligi kuu dhidi ya Geita Gold ambao utapigwa Jumapili, March 06 katika uwanja wa CCM Kirumba, Mwanza

Msemaji wa Yanga Haji Manara amesema timu itaingia kambini Avic Town kesho Jumatano kukamilisha maandalizi ya mchezo huo ambapo wataondoka jijini Dar es salaam kuelekea Mwanza siku ya Ijumaa

Ni mchezo mwingine muhimu kwa Yanga kuondoka na alama zote tatu katika mpango wa kusaka ubingwa wa ligi kuu msimu huu

Yanga iko kileleni mwa msimamo wa ligi wakiwa wamekusanya alama 42 kutoka michezo 16