Mshambuliaji wa Yanga Fiston Mayele jana aliondoka na zawadi ya ng'ombe mkoani Mwanza baada ya kufunga bao pekee la ushindi dhidi ya Geita Gold katika mchezo wa ligi kuu uliopigwa uwanja wa CCM Kirumba
Ni zawadi kutoka Tawi la Yanga kutoka Kahama, mkoani Shinyanga. Huyo ni ngo'mbe wa pili Mayele anazawadiwa na mashabiki wa Yanga msimu huu
Afisa Habari wa Yanga Hassan Bumbuli amesema klabu inafanya utaratibu wa kumsafirisha ngo'ombe huyo jijini Dar es salaam. Thamani ya ng'ombe huyo ni Tsh 750,000/-
Mayele alizawadiwa ngo'mbe wa kwanza mkoani Morogoro baada ya mchezo dhidi ya Mtibwa Sugar akifunga bao la pili katika mchezo huo ambao Yanga iliibuka na ushindi wa mabao 2-0
Katika hatua nyingine, Bumbuli amewatoa hofu mashabiki wa Yanga kuhusu hali ya Mayele ambaye jana alipata majeraha na kushindwa kumaliza mchezo dhidi ya Geita Gold
Bumbuli amesema Mayele anaendelea vizuri ambapo madaktari wamesema atahitaji siku tatu kupumzika kabla ya kurejea tena uwanjani
Hivyo Mayele atakuwepo uwanja wa Benjamin Mkapa wakati Yanga itakapoikaribisha KMC katika mchezo utakaopigwa March 16
