Mayele amekaa katika nafasi yake sasa

Mshambuliaji Fiston Mayele ameshakaa kwenye usukani katika mbio za kuwania kiatu cha dhahabu msimu huu akimfikia mzawa Reliants Lusajo

Nyota hao wote wamefunga mabao 10 lakini Mayele ametoa pasi tatu za mabao wakati Lusajo ametoa pasi mbili

Mayele amesema ushindani ni mkali lakini amejipanga kuhakikisha anaibuka kuwa mfungaji bora

"Ushindani ni mkali, George Mpole, Lusajo wote ni washambuliaji wanaofanya vizuri. Kwa upande wangu nitahakikisha nafunga kila ninapopata nafasi muhimu zaidi ni kuona Yanga inafanya vizuri," alisema Mayele

Mayele alitua Yanga akitokea klabu ya AS Vita, mabingwa wa ligi kuu ya DR Congo ambapo msimu uliopita alishika nafasi ya pili katika orodha ya wafungaji bora wa ligi hiyo akifunga mabao 14