Klabu ya Yanga imetangaza kuanza kwa mchakato wa uchaguzi Mkuu wa mwaka wakianza na uchaguzi wa Matawi
Akizungumza na Waandishi wa Habari mapema leo, Mtendaji Mkuu wa Yanga Senzo Mazingisa amesema baada ya Mabadiliko ya Katiba ya Yanga ya mwaka 2021 kuidhinishwa na Serikali, Shirikisho la Mpira wa Miguu Tanzania (TFF) limetoa hadi Juni 30 Yanga iwe imebadili muundo wake kulingana na Katiba
Senzo amesema walianza kwa kuandikisha Matawi ambapo waliweka vigezo ili Tawi liweze kutambulika linapaswa kuwa na Wanachama wasiopungua 100 ambapo Matawi yaliyokidhi vigezo yamekabidhiwa vyeti vya kutambuliwa
Aidha Mwenyekiti wa Kamati ya Uchaguzi Malangwe Ally Mchungahela ametangaza March 18 matawi yote yaliyokidhi vigezo yaanze chaguzi za kupata viongozi wake
Mchungahela amesema Matawi yatafanya Uchaguzi kuanzia March 18 mpaka mwishoni mwa mwezi April kabla ya kufanyika uchaguzi wa viongozi wa Juu
Nafasi ambazo zitawaniwa kwenye Matawi ni Mwenyekiti, Makamu Mwenyekiti, Katibu wa Tawi, Mweka Hazina na Wajumbe Wanne
Viongozi wa juu wa Tawi (Mwenyekiti, Makamu Mwenyekiti, Katibu, Mwekahazina) pamoja na Wajumbe wawili watawakilisha Tawi katika uchaguzi wa kupata viongozi wa juu wa klabu
