Mkurugenzi wa Uwekezaji GSM Injinia Hersi Said ambaye ni Mjumbe Kamati ya ufundi klabu ya Yanga, amesema wako mbioni kuwaongeza mikataba wachezaji ambao mikataba yao inamalizika mwishoni mwa msimu
Hersi amesisitiza kuwa Yanga haitawaachia nyota wake muhimu ambao wako katika mpango wa Kocha Nasreddine Nabi na benchi lake la ufundi
Msimu huu Yanga imedhamiria kutwaa ubingwa wa ligi kuu ili wapate nafasi ya kushiriki michuano ya ligi ya mabingwa barani Afrika msimu ujao
Wananchi wanaongoza mbio za kuwania taji hilo pengine malengo hayo yanaweza kutimia ifikapo mwezi May 2022
Kikosi cha Nabi kimeshapata muunganiko, wakifanikiwa kutwaa ubingwa wa ligi kuu wanaweza kufanya mambo makubwa kwenye michuano ya ligi ya mabingwa msimu ujao
Lakini kuna wachezaji kadhaa ambao mikataba yao inaelekea ukingoni, Hersi amewatoa wasiwasi Wananchi kuwa nyota hao wataendelea kubaki Jangwani
Mongoni mwa wachezaji hao ni pamoja na nahodha Bakari Mwamnyeto, Farid Mussa, Zawadi Mauya, Yassin Mustafa, Kibwana Shomari, Deus Kaseke, Yacouba Sogne na mkongwe Saido Ntibazonkiza
"Tayari tulishaanza mazungumzo nao na wengine wanasubri kusaini mikataba tu. Tumekuwa na msimu mzuri mpaka sasa kutokana na ubora wa kikosi chetu. Hivyo hakuna mchezaji ambaye tutamuachia aondoke ," alisema Hersi
Kikosi cha Yanga msimu huu kimekuwa bora sana, mwishoni mwa msimu Wananchi watahitaji usajili wa maboresho tu katika nafasi chache
