Kesho Wananchi wanashuka kunako uwanja wa Benjamin Mkapa kuikabili KMC katika mchezo wa ligi kuu ya NBC, mzunguuko wa 18
Vinara hao wa ligi kuu wanapiga hesabu ya kuendelea kujiimarisha kileleni mwa msimamo wa ligi, wakizihitaji alama zote tatu
Kabla ya mchezo huo, Yanga imeandaa burudani za aina mbalimbali ambapo kutakuwa na mchezo wa utangulizi kati ya wafanyakazi wa Yanga dhidi ya Wasanii
Kuhakikisha mashabiki wengi wanapata nafasi ya kuwa sehemu ya mchezo huo ambao Yanga imemualika Rais wa Jamhuri ya Muungano wa Tanzania Mh Samia Suluhu kuwa mgeni rasmi, kiingilio cha chini kabisa ni Tsh 5,000/- tu. VIP A ni Tsh 15,000/- na VIP B na C ni Tsh 10,000/-
Ni mchezo mwingine wenye hadhi ya fainali, Yanga ikiingia na mkakati wa kuhakikisha wanashinda
Wananchi walichukua alama zote tatu katika mchezo wa duru ya kwanza uliopigwa uwanja wa Majimaji Songea, Fiston Mayele na Feisal Salum 'Fei Toto' wakiihakikishia Yanga ushindi wa mabao 2-0
