Mlinzi wa kulia wa Yanga Djuma Shabani amesema ataendelea kufunga mabao kila anapopata nafasi ili kuisaidia Yanga kufikia malengo yake ya kutwaa ubingwa msimu huu
Djuma alifunga bao lake la pili msimu huu katika mchezo dhidi ya KMC mwishoni mwa wiki iliyopita, Yanga ikiibuka na ushindi wa mabao 2-0
Nyota huyo aliyetua Yanga akitokea klabu ya AS Vita, pia ametoa 'assist' za mabao matatu
"Nashukuru nimeisaidia timu kupata ushindi dhidi ya KMC, nitaendelea kufunga mabao kila nitakapopata nafasi ili kutimiza malengo ya timu msimu huu"
"Kwangu mimi naona kufunga ni rahisi sana, kama sio majukumu yangu kwenye safu ya ulinzi, ningekuwa nashambulia zaidi, basi ningefunga mabao mengi," alisema Djuma
Takwimu zake zinamfanya Djuma kuwa mlinzi bora kwenye ligi mpaka sasa katika upande wa kulia kutokana na mchango wake katika kufunga na kuwatengenezea wengine nafasi za kufunga
