Yanga kupimana ubavu na Mafunzo Fc leo

Kikosi cha Yanga leo majira ya saa moja usiku, kitashuka uwanja wa Azam Complex, Chamazi kuikabili Mafunzo Fc katika mchezo wa kirafiki

Wakiwa katika maandalizi ya mchezo wa ligi kuu dhidi ya Azam Fc ambao utapigwa April 06, benchi la ufundi litakuwa na nafasi ya kutumia mchezo wa leo kupima utayari wa kikosi kuelekea mchezo huo

Aidha ni mchezo ambao baadhi ya wachezaji wanaorejea kutoka kwenye majeruhi wanaweza kupewa nafasi

Afisa Habari wa Yanga Hassan Bumbuli amesema wanauchukulia mchezo huo kwa uzito mkubwa kwani wanaamini ni kipimo sahihi kabla ya kuwakabili Azam Fc

Mafunzo Fc wanashika nafasi ya pili kwenye msimamo wa ligi kuu ya Zanzibar

Viingilio vya mchezo huo VIP ni Tsh 10,000/- na Mzunguuko ni Tsh 5,000/-