Baada ya ushindi muhimu kule uwanja wa Azam Complex dhidi ya Azam Fc juzi, kikosi cha Yanga kimerejea kambini kujiandaa na mchezo wa robo fainali kombe la FA dhidi ya Geita Gold
Yanga ina siku mbili za kukamilisha maandalizi ya mchezo huo ambao utapigwa keshokutwa Jumapili, April 10 katika uwanja wa Benjamin Mkapa kuanzia saa moja usiku
Ni mechi nyingine ngumu kwa Wananchi lakini kinachohitajika ni ushindi ili kutinga nusu fainali
Msimu huu Yanga imejiwekea malengo ya kushinda mataji yote ya ndani
Walianza na Ngao ya Jamii, kwenye ligi wako kileleni mwa msimamo wa ligi wakiwa na alama 51 ambazo ni alama 11 zaidi ya Simba inayoshika nafasi ya pili na sasa wanahitaji kushinda dhidi ya Geita Gold ili watinge nusu fainali kombe la FA
Mjumbe wa Kamati ya Mashindano ya Yanga Injinia Hersi Said amesema mkakati wao katika kila mchezo uko vilevile, USHINDI
Amesema mechi zote wanazipa uzito uleule lengo likiwa kutimiza mipango waliyojiwekea msimu huu
