Bangala yuko tayari kurejea kikosini

Mchezaji kiraka katika kikosi cha Yanga Yannick Bangala yuko tayari kurejea kikosini baada ya kupona majeraha

Bangala aliukosa mchezo uliopita wa ligi kuu dhidi ya Azam Fc, kocha mkuu wa Yanga Nasreddine Nabi akimuweka miongoni mwa wachezaji wa akiba

Kocha Msaidizi wa Yanga Cedric Kaze amesema Bangala anaweza kurejea dimbani kuikabili Geita Gold katika mchezo wa robo fainali kombe la FA hapo kesho

Aidha Kaze amethibitisha kuwa viungo Feisal Salum 'Fei Toto' na Khalid Aucho wataukosa mchezo huo pamoja na Salum Abubakar 'Sure Boy' mwenye kadi tatu za njano

Yanga itashuka uwanja wa Benjamin Mkapa kesho ikiwa na dhamira moja tu, kupata ushindi dhidi ya Geita Gold na kutinga nusu fainali kombe la FA