Nabi ataukosa mchezo dhidi ya Simba

Kocha Mkuu wa Yanga Nasreddine Nabi ataukosa mchezo wa ligi kuu dhidi ya Simba ambao utapigwa April 30 katika uwanja wa Benjamin Mkapa

Nabi alionyeshwa kadi nyekundu jana kwenye mchezo wa robo fainali kombe la FA dhidi ya Geita Gold baada ya kumlalamikia mwamuzi kutokana na matukio yaliyojitokeza katika mchezo huo

Kwa kuwa michuano ya kombe la FA kanuni zinazotumika ni zilezile zinazotumika kwenye ligi, Nabi atakosa michezo mitatu akianza na mchezo dhidi ya Simba

Nabi atakosekana kwenye benchi tu wakati wa mchezo lakini ataendelea na majukumu yake mengine kama kawaida

Kocha Msaidizi Cedric Kaze ndiye atakayesimama kwenye benchi katika michezo hiyo mitatu