Mpaka sasa Yanga ina uhakika wa zaidi ya asilimia 80 kushiriki michuano ya ligi ya mabingwa barani Afrika msimu ujao
Wananchi wanahitaji kushinda michezo angalau mitatu ili kujihakikisha kumaliza katika nafasi mbili za juu kwenye msimamo wa ligi
Azam Fc ambao wako nafasi ya tatu, wameachwa alama 23 na Yanga wakati Namungo Fc waliko katika nafasi ya nne wameachwa alama 25!
Lakini lengo la Yanga ni kuhakikisha wanatwaa ubingwa wa ligi kuu wakiwa juu ya msimamo wa ligi kwa tofauti ya alama 10
Mabosi wa Yanga tayari wameanza michakato ya kubaini wachezaji ambao wanaweza kusajiliwa ili kuongeza nguvu kwenye michuano ya Kimataifa msimu ujao
Moja ya maeneo ambayo yanatarajiwa kuongezewa nguvu ni kwenye safu ya ulinzi, Yanga ikitajwa kumuwania mlinzi wa kati wa Ghana anayecheza klabu ya Asante Kotoko, Yussif Mubarik
Yussif amekuwa na kiwango bora akiwa katika msimu wa pili akiitumikia Kotoko
Habari za ndani zimedokeza kuwa mchezaji huyo ni pendekezo la kocha Nasreddine Nabi
Lakini kama haitakuwa rahisi kumpata, Wananchi wanaweza kuhamia kwa Mkenya Joash Onyango ambaye anamaliza mkataba na Simba
Hivi karibuni Msemaji wa Yanga Haji Manara alidokeza wachezaji 11 wa Simba wanamaliza mikataba mwishoni mwa msimu na wapo baadhi yao wamepiga hodi GSM wakiomba wapewe mikataba
