Hivi karibuni, Bodi ya Ligi ilirudisha nyuma mchezo wa ligi kuu kati ya Yanga dhidi ya Namungo Fc ambao sasa utapigwa uwanja wa Benjamin Mkapa April 23 2022
Huu ni mchezo mwingine muhimu kwa Yanga kuibuka na ushindi ili kuendelea kuukaribia ubingwa wa ligi kuu ya NBC
Baada ya kuambulia alama moja mkoani Lindi, Wananchi wamepania kuzibakisha alama zote tatu Dar
Katika moja ya mahojiano yake, mshambuliaji wa Yanga kinara wa mabao Fiston Mayele aliitaja Namungo Fc kama miongoni mwa timu ambazo ana deni nazo
Namungo ni moja ya timu ambazo Mayele hajazifunga kwenye ligi, nyingine ni Simba, Mbeya City, Ruvu Shooting, Polisi Tanzania na Tanzania Prisons
"Mwezi huu nina deni ya timu mbili, Simba Sc na Namungo Fc nawasubiri kwa hamu uwanja wa Mkapa," alisema Mayele
Mayele anaongoza mbio za kuwania ufungaji bora akiwa amefunga mabao 11 na kutoa pasi tatu za mabao
Baada ya mchezo dhidi ya Namungo Fc, mchezo utakaofuata ni dhidi ya Simba, April 30 dimba la Benjamin Mkapa
