Makamu Mwenyekiti wa Kamati ya Mashindano Yanga Injinia Hersi Said ameonyesha kukerwa na taarifa za upotoshaji zinazosambazwa na baadhi ya watu katika mitandao ya kijamii kuhusu kiungo Khalid Aucho
Aucho amerejea kikosini hivi karibuni baada ya kuwa nje ya uwanja kwa takribani wiki tano akiuguza majeraha
Kukosekana kwake kumewapa nafasi baadhi ya watu ambao wamezusha kuwa nyota huyo kutoka Uganda, amegoma kucheza sababu anaidai Yanga
"Aucho ni mchezaji muungwana, ambaye wakati wote anapenda kuwa uwanjani kuipambania klabu. Haidai Yanga hata shilingi moja, kiufupi hakuna mchezaji mwenye madai Yanga"
"Huko tulishapita, sasa hivi tunao wadhamini ambao wanatupa uwezo wa kutimiza mahitaji ya klabu kwa asilimia 100"
"Hizi ni propaganda za 'majitaka' ambazo hazina afya, niwaombe Wanayanga wasiyumbishwe na taarifa hizi za upotoshaji, waendelee kuiunga mkono timu yao kuhakikisha tunatimiza malengo yetu msimu huu"
"Aucho amepona na tayari amerejea kikosini pengine mwishoni mwa wiki tunaweza kumshuhudia uwanjani kutegemea na utayari wake na mahitaji ya Mwalimu katika mchezo dhidi ya Namungo Fc," alisema Hersi
