Afisa Habari wa Yanga Hassan Bumbuli amewataka mashabiki wa timu hiyo wajitokeze kwa wingi uwanja wa Benjamin Mkapa leo katika mchezo wa ligi kuu dhidi ya Namungo Fc
Bumbuli amesema leo wanaanza mpango mkakati wa kushinda mechi sita zinazofuata ili kujihakikishia kutwaa ubingwa msimu huu
Bumbuli amebainisha kuwa mpango mkakati huu unahitaji kuungwa mkono na kila shabiki kwenda uwanjani kuwapa hamasa wachezaji
"Tumeweka mpango mkakati wa kushinda mechi sita zinazofuata ili tujihakikishie kutwaa ubingwa. Baada ya hapo tutakuwa tukisubiri tarehe ambayo Bodi ya Ligi watapanga ili tuweze kukabidhiwa ubingwa wetu"
"Mechi zitakazokuwa zimebaki tena tutazitumia kuwapa burudani mashabiki wetu. Mpango mkakati huu inapaswa uungwe mkono na mashabiki wetu kwa kujitokeza kwa wingi uwanjani kuanzia mchezo wa kesho (leo) dhidi ya Namungo Fc," alisema Bumbuli
