Jana wakosoaji walikosa la kusema baada ya mashabiki wa Yanga kujitokeza kwa wingi uwanja wa Benjamin Mkapa kuishangilia timu yao kwenye mchezo dhidi ya Simba uliomalizika kwa suluhu ya bila kufungana
Kumekuwa na dhana inayojengwa kuwa Simba ndio klabu yenye mashabiki wengi na wao ndio wenye uwezo wa kujaza uwanja wa Benjamin Mkapa
Lakini jana hali ilionekana tofauti, mashabiki wa Yanga ndio waliofurika kwa wingi dimba la Mkapa ukilinganisha na wenzao wa Simba
Viongozi wa Simba hawakufanya hamasa kuelekea mchezo huo kwa kudhani mashabiki wao wasipokwenda uwanjani, uwanja hautajaa
Hongera kwa mashabiki waliokwenda uwanjani kuiunga mkono timu yao na zaidi hongera kwa Msemaji Haji Manara na Afisa Habari Hassan Bumbuli kwa hamasa kubwa na kuutangaza mchezo katika vyombo vya habari
Yanga ilifanikisha lengo lake la kuwa na mashabiki wengi zaidi kuliko watani zao Simba
