Afisa Habari wa Yanga Hassan Bumbuli amedokeza uwezekano wa winga Bernard Morrison kurejea Yanga baada ya kumaliza mkataba na klabu ya Simba
Taarifa za Morrison kuwa mbioni kurejea Yanga zilianza kuvuma wiki iliyopita
Bumbuli amesema haitakuwa dhambi kama Yanga itaamua kumsajili Morrison kama wataona wanamuhitaji
"Kwani aliyemleta Morrison Tanzania ni nani? Kumrudisha kuna dhambi? Mbona kuna watu walimuuza mtu wao Morocco na baadae kuamua kumrudisha wameathirika na nini?," alihoji Bumbuli
Msimu huu Morrison amekuwa mchezaji muhimu katika kikosi cha Simba akiisaidia timu hiyo kufika robo fainali ya michuano ya kombe la Shirikisho
Nje ya matukio yake mengi ya nje ya uwanja, Morrison ni mmoja wa wachezaji ambao wamefanya vizuri kwenye ligi katika miaka miwili iliyopita
