Katika moja ya mahojiano aliyofanya, winga wa Yanga Denis Nkane aliweka bayana kuwa Mrisho Ngasa ndiye mchezaji aliyekuwa akimvutia zaidi na hakukosa kufika uwanjani kumshuhudia wakati ule akiitumikia Yanga
Nkane ana mambo mengi sana ambayo anafanana na Ngasa, katika umri mdogo Nkane amesajiliwa na Yanga na anapata nafasi ya kucheza kwenye kikosi cha kwanza
Alipotua Yanga kwenye dirisha dogo mwezi January, Nkane alichagua kutumia jezi namba 16, jezi ambayo amevaa Ngasa katika kipindi chote alichoitumikia Yanga
Leo Nkane amepata nafasi ya kukutana na Ngasa na kumzawadia jezi ya klabu ya Yanga
Ngasa amesema amepewa heshima kubwa na Nkane, akimtakia kila la kheri ili aweze kupata mafanikio pengine hata zaidi ya aliyopata yeye
"Ni Heshima kubwa sana kuvunja majukumu yenu na kuja kunipa zawadi nimeona kweli pia kuna mfanano wa sura zetu nakutakia mambo mazuri na yaliojifunga yafunguke inshallah kwa uwezo wa Allah," aliandika Ngasa kwenye ukurasa wake wa mtandao wa kijamii
