Saido, Ambundo wasimamishwa Yanga

Uongozi wa klabu ya Yanga umethibitisha kusimamishwa kwa wachezaji wawili Saido Ntibazonkiza na Dickson Ambundo

Msemaji wa Yanga Haji Manara amesema wachezaji hao wamesimamishwa kwa kosa la kutoroka kambini baada ya mchezo dhidi ya Biashara United

Manara amesema Kocha Mkuu wa Yanga Nasreddine Nabi pamoja na uongozi wamechukua uamuzi huo ili kulinda morali ya wachezaji kuelekea mchezo dhidi ya Simba ambao utapigwa Jumamosi

Manara amesema wachezaji hao wamesimamishwa kwa wiki moja, shauri lao litasikilizwa baada ya mchezo dhidi ya Simba