Baada ya kukamilisha mkakati ya kutinga fainali ya michuano ya kombe la Shirikisho la Azam (ASFC) kwa kuichapa Simba bao 1-0, kikosi cha Yanga kimeondoka jijini Mwanza kurejea Dar es salaam
Hakutakuwa na mchezo wa ligi kwa takribani wiki mbili ligi ikisimama kupisha kalenda ya FIFA ambapo michezo ya timu za Taifa kusaka tiketi ya michuano ya Afcon 2023 itapigwa
Wachezaji waliotwa timu za Taifa wanakwenda kujiunga na timu zao huku nyota wengine wakitarajiwa kupewa mapumziko ya siku chache na baadae kuendelea na maandalizi ya kumalizia msimu
Mchezo utakaofuata kwenye ligi ni dhidi ya Coastal Union ambao utapigwa Juni 15 katika uwanja wa Benjamin Mkapa na kufuatiwa na mchezo dhidi ya Polisi Tanzania ambao utapigwa Juni 19 katika dimba la Mkapa pia
Wananchi wanahitaji alama tatu tu kutwaa ubingwa wa ligi kuu
