Ni Yanga vs Coastal Union fainali kombe la FA

Coastal Union imetinga fainali ya michuano ya kombe la Shirikisho la Azam (ASFC) wakipata ushindi wa mikwaju ya penati 6-5 katika mchezo wa nusu fainali dhidi ya Azam Fc

Mchezo huo uliopigwa kwa dakika 120, ulimalizika kwa suluhu ya bila kufungana hivyo mshindi kuamuliwa kwa changamoto ya mikwaju ya penati

Coastal Union sasa itachuana na Yanga kwenye mchezo wa fainali ambao utapigwa Julai 02 katika uwanja wa Sheikh Amri Abeid

Kabla ya mchezo huo wa fainali, Yanga na Coastal Union zitakutana kwenye mchezo wa ligi kuu ambao utapigwa Juni 15 katika uwanja wa Benjamin Mkapa

Yanga inahitaji kushinda mchezo huo ili kutwaa ubingwa wa ligi kuu