Timu ya Taifa ya Tanzania 'Taifa Stars' leo saa moja usiku itashuka kunako uwanja wa Benjamin Mkapa kuikabili Algeria katika mchezo wa kuwania tiketi ya michuano ya Afcon 2023 itakayofanyika nchini Ivory Coast mwakani
Huu ni mchezo muhimu kwa Tanzania kupata ushindi ili kuweka hai matumaini ya kufuzu Afcon kwa mara ya tatu
Algeria ni moja ya vigogo wa soka barani Afrika, mabingwa wa michuano hiyo mwaka 2019 wakitwaa taji kule Misri
Leo wanachuana na Tanzania bila ya uwepo wa nyota wao Riyad Mahrez anacheza Manchester City. Mahrez hakujumuishwa kwenye kikosini kwa kuwa ni majeruhi
Algeria wana uzoefu wa michuano mikubwa lakini hilo halipaswi kuwatisha Watanzania kwani wao watakuwa 11 pamoja na mashabiki ambao wameaswa kuujaza uwanja wa Benjamin Mkapa
Mara ya mwisho Algeria kucheza uwanja wa Benjamin Mkapa dhidi ya Tanzania, mchezo ulimalizika kwa matokeo ya sare ya mabao 2-2
Ushindi kwa Tanzania leo unaweza kuwapeleka kileleni mwa kundi F kutegemeana na matokeo ya mchezo kati ya Uganda dhidi ya Niger
Kila la Kheri Tanzania, kila la kheri Taifa Stars
