Mchakato wa Uchaguzi Mkuu Yanga unaendelea ambapo leo awamu ya pili ya mchakato huo inahitimishwa kwa kufungwa zoezi la kuchukua na kurudisha fomu
Fomu zilianza kutolewa Juni 05 na leo Juni 09 majira ya saa 10:30 jioni zoezi hilo litafungwa
Imekuwa ni vita ya kimya-kimya baina ya wagombea waliojitosa kuwania nafasi ya Rais wa Yanga, Makamu wa Rais na Wajumbe watano wa Bodi
Za chinichini ni kuwa Mjumbe wa Kamati ya Mashindano Yanga Injinia Hersi Said ni miongoni mwa waliochukua fomu kuchuana na Dk Mshindo Msolla ambaye atakuwa Mwenyekiti wa mwisho wa klabu ya Yanga kwani kulingana na mabadiliko ya Katiba, kiongozi wa juu Yanga sasa atakuwa Rais
Hadi kufikia Jumamosi, wagombea waliopita watafahamika. Baada ya zoezi la fomu kufungwa, mchujo wa wagombea kwa kuzingatia vigezo utafanyika siku ya kesho na Jumamosi
