Watatu kuikosa Coastal Union

Kocha Mkuu wa Yanga Nasreddine Nabi amesema kikosi chake kiko tayari kwa mchezo wa ligi kuu dhidi ya Coastal Union ambao utapigwa kesho Jumatano kwenye uwanja wa Benjamin Mkapa

Akizungumza katika Mkutano na Wanahabari kuelekea mchezo huo, Nabi amesema Yanga itawakosa wachezaji watatu tu kutokana na sababu mbalimbali

Mlinda lango Djigui Diarra ataukosa mchezo huo kwa kuwa amefanya mazoezi siku moja na wachezaji wengine

Diarra alichelewa kurudi kutoka katika majukumu ya timu ya Taifa ya Mali

Nabi amebainisha kuwa nahodha Bakari Nondo Mwamnyeto ni majeruhi wakati Kibwana Shomari anatumikia adhabu ya kadi tatu za njano

Yanga inahitaji kushinda mchezo huo ili kutwaa ubingwa wa ligi kuu msimu huu