Msemaji wa Yanga Haji Manara ametoa shukrani kwa wachezaji, benchi la ufundi, uongozi, wadhamini bila kuwasahau mashabiki kwa jitihada zao ambao zimewawezesha kutwaa ubingwa wa ligi kuu msimu huu
Manara amesema haikuwa rahisi kutwaa ubingwa tena pasipo kupoteza mchezo, umoja na ushirikiano wao ilikuwa silaha kubwa kwao kufanikisha lengo waliloliweka
Manara amesema wapo waliowabeza wakati wakiitisha mikutano na wanahabari lakini matunda yake yameonekana kwani kwa mara nyingine Yanga imeongoza kuwa kuingiza mashabiki viwanjani
"Kwanza tunapenda kutoa shukrani kwa Mwenyezi Mungu mwingi wa rehema, na pia tunapenda kutoa shukrani za dhati kwa wachezaji, benchi la ufundi, viongozi wetu, wadhamini pamoja na Mashabiki wetu wote. "
"Press nyingi ndiyo siri ya Yanga kufanikiwa msimu huu, ambapo Press hizo zimeleta mashabiki wengi Uwanjani na kuwapa morali wachezaji wapambane. Na niwaambie tumeongoza tena kuingiza mashabiki wengi uwanjani msimu huu bodi ya ligi itakuja kuthibitisha," alisema Manara
Manara amesema wamejiandaa kwa shamrashamra kubwa za ubingwa ambapo Juni 26 itakuwa siku maalum kwa mashabiki wa Yanga kote nchini wakiandaa mapokezi ya aina yake wakati kikosi kitakaporea na ubingwa kutoka mkoani Mbeya
Katika hatua nyingine Manara amethibitisha Yanga kujitoa kwenye shindano la Nani Zaidi linaloendeshwa na Azam Media
Manara amesema Yanga itatoa taarifa rasmi kuelezea sababu zilizopelekea wachukue uamuzi huo
