Juzi Yanga ilimtambulisha mshambuliaji Lazarous Kambole aliyetua kwa Wananchi akitokea klabu ya Kaizer Chiefs, bado kuna wachezaji wengine watatu wanasubiri utambulisho
Makamu Mwenyekiti wa Kamati ya Mashindano, Injinia Hersi Said amesema mpaka kufikia mwisho wa mwezi huu watawatambulisha nyota wote wa kigeni waliowasajili
"Tumemtambulisha Lazarous Kambole kama mchezaji wetu, bado kuna wachezaji wengine watatu ambao tutawatambulisha kabla ya mwezi huu kumalizika. Tuna changamoto ya muda mfupi wa dirisha la usajili CAF hivyo tumewataka wachezaji wetu wafike mapema ili tukamilishe taratibu zote za kuwasajili katika mfumo wa CAF," alisema Hersi
Nyota wengine wanaotajwa kuwa wamesajiliwa na Yanga ni pamoja na kiungo mshambuliaji wa Asec Mimosas Stephane Aziz Ki, mlinzi wa kushoto Mcongomani Jocye Lomalissa Mutambala anayecheza klabu ya Sagrada Esperanca ya Angola na winga Bernard Morrison kutoka Afrika Mashariki!
