Afisa Habari wa Yanga Hassan Bumbuli amedokeza kuwa kiungo mshambuliaji Stephane Aziz Ki anaweza kutambulishwa siku ya Jumatano kwenye mchezo wa ligi kuu dhidi ya Mtibwa Sugar ambao utapigwa uwanja wa Benjamin Mkapa
Usiku wa kuamkia Jumatano huenda Yanga ikathibitisha usajili wa nyota huyo kutoka klabu ya Asec Mimosas
Mkataba wa Ki na Asec unamalizika Juni 28 saa 5.59 usiku, kuanzia saa sita usiku Ki atakuwa mchezaji huru na Yanga wanaweza kumtangaza
"Kutegemea na taratibu za safari yake kutoka Ivory Coast, Aziz Ki tunaweza kuwa nae uwanjani siku ya Jumatano katika mchezo wetu dhidi ya Mtibwa Sugar"
"Sio yeye tu hata Kambole (Lazarus) tulimpa ruhusa kurejea Zambia baada ya kukamilisha taratibu za usajili lakini tumeandaa utaratibu maalum wa kuwatambulisha wachezaji wote tunaowasajili," alisema Bumbuli
